կարևոր
5782 դիտում, 1 տարի առաջ - 2022-11-18 16:30
Քաղաքական

Ինձնից փորձում էին  հանցագործի կերպար կերտել, բայց չստացվեց․ Գերասիմ Վարդանյանը դուրս եկավ ՔԿՀ-ից

Մեղադրանք չկար էլ, որ մեղադրանք ընդունեի, սա քաղաքական շոու էր, քաղաքական բեմականացում, փորձում են իրենց քաղաքական նպատակներին հասնելու համար անազատությունից զրկելով մեզ լռեցնել, բայց դե բոլորն էլ գիտեն, որ ես մարդ եմ, ով երդվել է Դաշնակցության զինանշանի վրա և թքած ունեմ իրենց  կողմից շնորհված թե՛ անազատության վրա, թե՛ ազատության։ Այս մասին ՔԿՀ-ից դուրս գալուց հետո լրագրողների հետ զրույցում ասաց ՀՅԴ Արարատի Մարզային կոմիտեի ներկայացուցիչ Գերասիմ Վարդանյանը։

«Դատական նիստերը միակ հնարավորությունն են եղել, որ ես կարողացել եմ քիչ թե շատ իմ դիրքորոշումը հայտնել։ 2 տարի հասարակությանը համոզել էին, իբր ես կապ եմ ունեցել այդ գործի հետ, հետո էլ հասկացել են, որ հնարավոր չէ ինձ կապել դրա հետ և կարճել են, փակել են, բայց ամոթ չունեն, որ հայտարարեն, որ ես կապ չունեմ դրա հետ։ Ինձնից փորձում էին  հանցագործի կերպար կերտել, բայց չստացվեց»,- ասաց նա։

ՀՅԴ անդամի խոսքով՝ ինքն ուր էլ լինի պայքարը, շարունակելու է․ «Մենք որոշում ենք կայացրել ընկերներով և այդ որոշումը պետք է կատարվի, պետք է մեր հայրենիքը ազատ տեսնենք։ Իրենք ասում են 62 հազար դրամի վնաս ենք հասցրել, որի փորձաքննությունը 2 տարի հետո են արել ու պարզվել է դուռը փչացել է, փաստորեն մի մեծ բիզնես կենտրոնի դուռը 2 տարի բաց է եղել, իսկ մնացածի հետ ես որևէ առնչություն չունեմ»,- նշեց նա։

Նրա խոսքով՝ դատավորը համարձակություն ունեցավ և կարողացավ արդարությունը վերականգնել։