Փոխարժեքներ
04 04 2025
|
||
---|---|---|
USD | ⚊ | $ 391.22 |
EUR | ⚊ | € 431.28 |
RUB | ⚊ | ₽ 4.6282 |
GBP | ⚊ | £ 508.39 |
GEL | ⚊ | ₾ 142.08 |
Այսօր ՀՀ ԿԳ նախարար Արմեն Աշոտյանն ամփոփեց վերանշանակումից հետո պաշտոնավարման հարյուր օրվա աշխատանքները:
Նախարարը ներկայացրեց նոր ուսումնական տարվան ընդառաջ նախատեսված ծրագրերը` նշելով, որ ԱԺ-ում այժմ քննարկվում է 12-ամյա պարտադիր կրթության անցնելու նախագիծը: Նրա հավաստմամբ` օրենքի ընդունումը ծրագրի ներդրման սկիզբն է լինելու:
«Փորձը ցույց է տալիս, որ 9-ամյա կրթությունից հետո տարեկան 4000-5000 աշակերտ դուրս է մնում կրթական համակարգից` մտածելով, թե վերջացրել է իր կրթությունը: Փաստ է նաև, որ 9-ամյա կրթություն ունեցող երիտասարդը հետագայում աշխատաշուկայում դժվարությամբ է իր տեղը գտնելու: Այս ամենը հաշվի առնելով` կփորձենք կյանքի կոչել 12-ամյա պարտադիր կրթության անցնելու նախագիծը: Կարևոր է, որ այդ երեխաները կտրվեն փողոցից, այսինքն` ստացվում է, որ այսպիսով նաև տվյալ երեխաների և՛ սոցիալական, և՛ տնտեսական խնդիրն ենք լուծում»,- ասաց նախարարը:
Նա տեղեկացրեց նաև, որ այդ դեպքում երեխան, ավարտելով դպրոցը, նաև որոշ չափով մասնագիտական կրթություն ստացած կլինի: