Ադրբեջանցիների դիվերսիոն փորձերը` «Kildim»-ում

«Ռոբերտ Սահակյանց փրոդաքշընի» կողմից նկարահանվող «Kildim» մուլտֆիլմի շարքը կհամալրվի եւս մեկով. այս մասին Yerkir.am-ի հետ զրույցում ասաց ռեժիսոր-մուլտիպլիկատոր Դավիթ Սահակյանցը:

Սահակյանցը տեղեկացրեց, որ մուլտֆիլմում շեշտը դրվելու է վերջին 6 ամիսներին կատարված դեպքերի վրա` դիվերսիոն փորձեր և ոչ միայն…

«Անհրաժեշտ է, որ յուրաքանչյուրս մեր ոլորտում համապատասխան արձագանք տանք նրանց արարքներին. մշակույթի միջոցով նրանց պատասխանելը նույնպես նրանց արարքի հակաքայլն է, անհրաժեշտություն: Մենք շատ զբաղված ենք` դրա համար էլ մի քիչ ուշ-ուշ ենք արձագանքում: Կարծում եմ, այո, հենց մշակույթի միջոցով էլ մեր ասելիքը պետք է տեղ հասցնենք: Պետք է ակտիվ լինենք բոլոր «ճակատներով» »,-ասաց Սահակյանցը:

Սահակյանցը տեղեկացրեց նաև, որ մուլտֆիլմը հավանաբար պատրաստ կլինի մինչև սեպտեմբերի վերջ: