Գյուղացիները սերմացուն մեկ տարի անց կվերադարձնեն

 Այսօր կառավարության նիստում հաստատվեցին  Շիրակի ու Լոռու մարզերում 2014թ. կարկտահարությունից տուժած համայնքների  ցուցակները: Կառավարությունը մտադիր է հնարավորինս մեղմել  կարկտահարության պատճառած վնասները և օժանդակել  հողօգտագործողներին:

ՀՀ գյուղատնտեսության նախարար Սերգո Կարապետյանը նշեց, որ կարկտահարությունից տուժել են Շիրակի մարզի 31 և Լոռու մարզի 15 համայնքների ավելի քան 14 հազար հա ցանքատարածություններ: Պետական օժանդակության ծրագրով տուժած գյուղացիներին տրվելու է աշնանացան սերմացու:

«Վարչապետի հանձնարարությամբ սերմացուն պետք է գյուղացիները վերադարձնեին այս տարվա բերքահավաքից հետո, բայց հիմա մենք պետք է 1 տարով հետաձգենք այդ վերադարձը»,- ասաց գյուղատնտեսության նախարար Սերգո Կարապետյանը: