Փոխարժեքներ
04 04 2025
|
||
---|---|---|
USD | ⚊ | $ 391.32 |
EUR | ⚊ | € 432.53 |
RUB | ⚊ | ₽ 4.6652 |
GBP | ⚊ | £ 514.27 |
GEL | ⚊ | ₾ 141.78 |
Գարու` 2000 տոննա սերմացուն հանրապետություն է բերվելու ոչ միայն սերմնաբուծությունը զարգացնելու, այլև մի քանի հիմնական խնդիրներ լուծելու նպատակով. այսօր գարու արտադրության զարգացման ծրագրի վերաբերյալ խորհրդակցության ժամանակ ասել է վարչապետ Տիգրան Սարգսյանը:
Ինչպես տեղեկացնում է ՀՀ կառավարության տեղեկատվության եւ հասարակայնության հետ կապերի վարչությունըմ խորհրդակցությանը մասնակցել են ՀՀ փոխվարչապետ, տարածքային կառավարման նախարար Արմեն Գևորգյանը, մարզպետեր:
Վարչապետը նշել է, որ ծրագիրը նպաստելու է մշակվող հողատարածքների ավելացմանը, եւ ընդգծել, որ օգնությունն առաջին հերթին պետք է հասնի առավել աղքատ համայնքներին:
«Հանրապետությունում գարու սերմացուի պահանջարկը 11 հազար տոննա է, մենք բերում ենք 2000 տոննա: Հասկանալի է, որ բոլորին չենք կարող բավարարել»,- ասել է վարչապետը` հավելելով, որ անձամբ վերահսկելու է ծրագրի իրագործումը:
Տարածքային կառավարման նախարարությունն այսօր վարչապետին է ներկայացնելու առավել կարիքավոր 200 համայնքների ցուցակը: Դրանք կտրվեն նաև մարզպետերին` բաշխում կատարելիս սերմացուն առավել աղքատ համայնքներին տալու համար: