Ծեծկռտուք՝ ճանապարհային ոստիկանների և քաղաքացու միջև. վերջինս բանտում հացադուլ է հայտարարել

Մայիսի 6-ին Երևանի Իսակովի պողոտայում Opel մակնիշի ավտոմեքենայով ВАЗ 2101 մակնիշի ավտոմեքենային բախվելուց հետո ոստիկանների հետ ընդհարման մեջ մտած և կալանավորված Թորգոմ Ասոյանը հացադուլ է հայտարարել, քանի որ դժգոհ է խափանման միջոցից: Այս մասին հայտնում է shamshyan.com-ը:

Ասոյանի կինը` Գոհար Հարությունյանը, պատմեց, որ ավտովթարից անմիջապես հետո միացրել է մեքենայի վթարային ազդանշանը, ամուսինը ներողություն է խնդրել վթարի ենթարկված ավտոմեքենայի վարորդից և ուղևորներից և փորձել է զանգահարել ապահովագրական ընկերություն: Այդ ընթացքում վթարի վայրին են մոտեցել ճանապարհային ոստիկանության աշխատակիցները և առանց ներկայանալու ու պարզելով, որ ամեն ինչ նորմալ է, շարունակել են պարզաբանումները: Ինչպես պարզվել է արդեն ոստիկանության բաժանմունքում, այդ երկու անձինք եղել են ՀՀ Ճանապարհային ոստիկանության աշխատակիցներ Ռաֆիկ Թովմասյանը և Վարդան Բաղդասարյանը:

Հասկանալով, որ Թորգոմ Ասոյանը ալկոհոլի ազդեցության տակ է, այս անգամ էլ սկսել են դրա վերաբերյալ կոպիտ կերպով պարզաբանումներ պահանջել: Ասոյանը խնդրել է իրեն հանգիստ թողնել, որպեսզի կարողանա կապ հաստատել ապահովագրական ընկերության հետ: Սակայն նման պատասխանը չի բավարարել այդ երկու անձին: Թորգոմ Ասոյանին բերման ենթարկելու նպատակով, նրան քաշքշելով, տարել են դեպի վերջինիս վարած մեքենայի հետնամաս:

Ամբողջությամբ` սկզբնաղբյուր կայքում: