Մաքսային միությունում կարգելե՞ն բարձրակրունկ կոշիկներն ու կեդերը

Մաքսային միության երկրներում կարող են արգելվել կեդերը, բալետկաները և բարձրակրունկ կոշիկները՝ կապված այն վնասի հետ, որ նրանք ներկայացնում են առողջությանը. հայտնում է Известия-ն:

Справедливая Россия կուսակցության պատգամավոր Օլեգ Միխեևը համապատասխան դիմումով  դիմել է Եվրասիական տնտեսական հանձնաժողովի ղեկավար Վիկտոր Խրիստենկոյին: Նա պահանջում է ՄՄ-ի տեխնիկական կանոնակարգում նոր օրթոպեդիկ պահանջներ ներկայացնել կոշիկին, ինչը կարող է հանգեցնել տակացուներով ու բարձրակրունկ կոշիկի արգելմանը:

Միխեևը վիճակագրություն է մեջբերել, որի համաձայն` բնակչության 40%-ը տառապում է հարթաթաթությունից և այս տարի շատ տղաներ, հարթաթաթությամբ հանդերձ, զորակոչվել են Ռուսաստանում, քանի որ առողջ մարդ գտնել ուղղակի հնարավոր չէ:

Եվրասիական տնտեսական հանձնաժողովի մամուլի ծառայությունում Известия-ին ասել են, որ հանձնաժողովը դիտարկում է ցանկացած առաջարկ եւ, կախված հիմնավորումից, համապատասխան փոփոխություններ իրականացնում կանոնակարգում: