Կրկին արտահերթ նիստ…կրկին կառավարության առաջարկով

Կառավարությունն այսօր որոշեց ԱԺ արտահերթ նստաշրջան գումարելու նախաձեռնություն ցուցաբերել եւ առաջարկել ԱԺ նախագահին` 2014 թվականի հունիսի 18-ին` ժամը 12:00-ին, գումարել ԱԺ արտահերթ նստաշրջան:

Օրակարգում, ըստ կառավարության աշխատակազմի ղեկավար-նախարար Դավիթ Հարությունյանի, ընդգրկված են առավել կարեւոր հարցերը, որոնք, կառավարության կարծիքով, ունեն ժամկետային սահմանափակումներ, ինչպես նաեւ կարող են կարեւոր փոփոխություններ մտցնել երկրի տնտեսական կյանքում:

«Այնուամենայնիվ, որոշ նախագծեր դեռեւս մշակման փուլում են, ուստի, պարո’ն վարչապետ, պետք է խնդրեմ Ձեզ երեքշաբթի օրը` նախքան հունիսի 18-ի նիստը, հրավիրել կառավարության նիստ, որպեսզի հաստատենք մշակման փուլում գտնվող փաթեթները եւ համալրենք այս որոշումները»,- Հովիկ Աբրահամյանին դիմելով` ասաց Դավիթ Հարությունյանը:

Որոշումն ընդունվեց: