Մոտ 62 միլիոն դրամ` անտառապատման համար

Վաղվա նիստին կառավաչությունը Հայաստանի Հանրապետության 2014 թվականի պետական բյուջեով նախատեսված կառավարության պահուստային ֆոնդից գյուղատնտեսության նախարարությանը կհատկացնի 61 միլիոն 969.9 հազար դրամ, անտառապատման աշխատանքների համար:

Այդ թվում` նախատեսվում է անտառների վերականգնման և զարգացման հիմնադրամի կողմից իրականացվելիք «Երևանի անտառտնտեսության Էրեբունու անտառպետության 51 հեկտար տարածքի անտառապատման աշխատանքներ» ծրագրի շրջանակներում շուրջ 31 հեկտար տարածքի վրա անտառապատման աշխատանքների իրականացման համար տրամադրել 4 միլիոն 167.9 հազար դրամ, «Հայանտառ» ՊՈԱԿ-ի «Արծվաբերդի անտառտնտեսություն» մասնաճյուղի 15 հեկտար տարածքի անտառապատման և ցանկապատման աշխատաքների իրականացման համար` 16 միլիոն 297.18 հազար դրամ, «Ճամբարակի անտառտնտեսություն» մասնաճյուղի 10 հեկտար տարածքի անտառապատման և ցանկապատման աշխատաքների իրականացման համար` 19 միլիոն 745.62 հազար դրամ, «Գյումրիի անտառտնտեսություն» մասնաճյուղի 10 հեկտար տարածքի անտառապատման և ցանկապատման աշխատաքների իրականացման համար` 17 միլիոն 311.33 հազար դրամ:

Նախատեսված ամբողջ գումարը նվիրաբերության պայմանագրի հիման վրա կտրամադրվի Հայաստանի Հանրապետության անտառների վերականգնման և զարգացման հիմնադրամին: Հատկացված գումարից 4 միլիոն 447.9 հազար դրամն էլ կուղվի Հիմնադրամի վարչական ապարատի պահպանման ծախսերը լրացնելուն: