Կլոպը ցանկանում է իր թիմում տեսնել Իմոբիլեին

Դորտմունդի «Բորուսիայի» գլխավոր մարզիչ Յուրգեն Կլոպը հաստատել է, որ իր թիմը ցանկանում է ձեռք բերել «Տորինոյի» հարձակվող Չիրո Իմոբիլեին:

Հիշեցնենք, որ վերջին մրցաշրջանում 24-ամյա հարձակվողը դարձել է Ա սերիայի լավագույն ռմբարկուն՝ խփելով 22 գնդակ:

«Հարձակվողները, որոնց ես ուզում եմ, թանկ են, որովհետև լավագույններն են: Մենք անելու ենք մեզանից կախված ամեն ինչ, որպեսզի Իմոբիլեն «Բորուսիա» տեղափոխվի»,- Կլոպի խոսքերն են մեջբերում իտալական ԶԼՄ-ները:

Հավելենք, որ «Տորինոն» և «Յուվենտուսը», որոնք ֆուտբոլիստի տրանսֆերի իրավունք ունեն, պահանջում են 25 միլիոն եվրո: Մինչդեռ դորտմունդյան թիմը պատրաստ է վճարել միայն 16 միլիոն: