Վալոդն է դառնալու արդարադատության նախարար. Նիկոլ Փաշինյան

ԱԺ հարցուպատասխանի ժամանակ Նիկոլ Փաշինյանը մինչ արդարադատության նախարարին հարց տալը նախ ընդգծեց, որ բոլորն այսօր շնորհավորում են կառավարության նոր և վերանշանակված նախարարներին, սակայն ինքը չի շնորհավորում նախարարներին` նրանց հայտնի պատճառներով:

Նիկոլ Փաշինյանի այս հայտարարությանը արձագանքեց  ԱԺ նորընտիր նախագահ Գալուստ Սահակյանը. «Հայկական սովորույթի համաձայն` հյուրերին ջերմ է պետք ընդունել»:

Պատգամավորն էլ ավելացրեց, որ խոստանում է հաջորդ անգամ ավելի ջերմ ընդունել նախարարներին, պարզապես առաջին անգամ է, և հնարավոր է` կառավարության անդամներն այդքան ջերմությանը չդիմանան:

Հրայր Թովմասյանն էլ նշեց, որ արդեն իսկ պարզ էր, որ Փաշինյանը չի շնորհավորելու, ու պատմեց անեկդոտ, որ մեկի գերեզմանին քար են դնում, վրան գրված` բոլորի կողմից, բացի Վալոդից:

Նիկոլ Փաշինյանն էլ արձագանքեց, թե հույս ունի, որ Վալոդ անունով անձը կհամալրի արդարադատության նախարարությյան անձնակազմի շարքերը: «Ի դեպ, հենց Վալոդն է նշանակվելու Ձեր փոխարեն` որպես արդարադատության նախարար»,- ասաց նա:

Գալուստ Սահակյանն էլ արձագանքեց. «Որակյալ պատասխան էր»: