Բացե´ք Ձեր աչքերը

Հայտնի դերասան, լուսահոգի Խաչիկ Նազարեթյանի որդին` Վահրամ Նազարեթյանը, «ՖԲ» իր էջում  տեղադրել է «Բացեք Ձեր աչքերը» հեռուստաներկայացումը և գրել. «Այն ժամանակ մոտ 10 տարեկան էի: Հիշում եմ, թե ինչպես ամբողջ Երեւանը սրտին մոտ ընդունեց, որ մեր ընտանիքը նույնպես շուտով հեռանալու է: Այն ժամանակ դա դավաճանություն էր համարվում: Տաքսիների վարորդները սկսեցին խոսել, թե իրենք անձամբ Նազարեթյաններին տարել են օդանավակայան եւ այլն: Նազարեթյանի խաղում այնպիսի ատելություն կար Խորհրդային միության նկատմամբ, որ նույնիսկ կոմունիստները 2-3 անգամ կանչել ու զրուցել են նրա հետ: Այո, նա չէր սիրում խորհրդային իշխանությունը…, սակայն այդպես էլ ոչ մի տեղ չմեկնեց…

Հ.Գ. «Բացեք Ձեր աչքերը» հեռուստաներկայացումը մի ընտանիքի պատմություն է, որը «հալոցքից» հետո վերագաղթում է Ֆրանսիա: 1970-1978 թվականներ: Հայաստանից արտասահման վերադարձան ավելի քան 100 հազար արեւմտահայեր»: