Փոխարժեքներ
07 10 2024
|
||
---|---|---|
USD | ⚊ | $ 386.93 |
EUR | ⚊ | € 424.27 |
RUB | ⚊ | ₽ 4.02 |
GBP | ⚊ | £ 505.41 |
GEL | ⚊ | ₾ 141.01 |
ՀՀ սպորտի և երիտասարդության հարցերի նախարարի ժամանակավոր պաշտոնակատար Յուրի Վարդանյանի համար անակնկալ էր վարչապետի հրաժարականը: Այսօր լրագրողների հետ զրույցում նա ասաց. «Չգիտեմ, թե ինչու նա հրաժարական տվեց: Ես չեմ կարծում, որ հասունացել էր վարչապետի հրաժարականի պահը, որովհետև նորմալ հունով աշխատում էինք: Բայց ինչ պատահեց, պատահեց»: Նրա խոսքով՝ վարչապետի հրաժարականի գործում քառյակի գործողությունները դեր չեն ունեցել:
Նախարարի ժամանակավոր պաշտոնակատարը կարծում է, որ վարչապետի պաշտոնը կապ ունի տաժանակիր աշխատանքի հետ, և ինքը, մոտ մեկ տարի լինելով նախարար ու տեսնելով վարչապետի աշխատանքը, չէր ցանկանա, որ իր ամենամտերիմ մարդն անգամ աշխատեր որպես վարչապետ:
Յուրի Վարդանյանի համար Հովիկ Աբրահամյանի թեկնածությունն ընդունելի է: Իսկ երկրի վատ վիճակը նա չի կապում կառավարության վատ աշխատանքի հետ, այլ այն հանգամանքի, որ Հայաստանը ունի վատ աշխարհագրական դիրք, միայն օդային ճանապարհ: «Ում էլ ուզում ես` բեր, ամենալավ քաղաքական գործչին էլ բերես, միևնույն է, եթե մենք ունենք էս աշխարհագրական վատ դիրքը, մեր խնդիրները բարվոք չեն լուծվի»,- կարծիք հայտնեց նա: