Գլուխը քարն է տվել. Յուրի Վարդանյանը` որդու հանրային պաշտպանի մասին

Այսօր ԱԺ-ում 2014 թ. բյուջեի քննարկումներին ներկայացել էր սպորտի եւ երիտասարդության հարցերի նախարար Յուրի Վարդանյանը:

Yerkir.am-ը նախարարից հետաքրքրվեց, թե ինչո՞ւ է իր որդին հանրային պաշտպան վարձել: «Հանրայինը ի՞նչ վատ է որ»,- պատասխանեց նախարարը:

Լրագրողների դիտարկմանը, որ, ըստ հանրային պաշտպանի, Դավիթ Վարդանյանը հայերեն գրել-կարդալ չգիտի, նախարարն արձագանքեց. «Գլուխը քարն է տվել»:

Նախարարը նաեւ հայտարարեց, որ միշտ ժողովրդի հետ է եղել: «Մի օր առիթ կստեղծվի, կհանդիպենք ու կխոսենք»,- ասաց նա:

Իսկ այդ ընթացքում լրագրողներին ամեն կերպ խանգարում էր ԱԺ պատգամավոր Վարդան Այվազյանը, ով  փորձում էր լրագրողներին հեռացնել նախարարից: