Հասմիկ Պողոսյանի «շնորհիվ»` «UNICA»-ում մեր տեղը կզիջենք Ադրբեջանին և Թուրքիային

Հայաստանն այլևս չի մասնակցի «UNICA» միջազգային կինոփառատոնին` ՀՀ մշակույթի նախարար Հասմիկ Պողոսյանի «շնորհիվ»: Աայս մասին լրագրողների հետ հանդիպման ժամանակ հայտարարեց Հայաստանի ոչ կոմերցիոն կինոյի համահայկական կենտրոնի (CANC) նախագահ Արտաշես Հովհաննիսյանը:

Ըստ նրա` մշակույթի նախարարի ապաշնորհ և ապամշակութային քաղաքականության «շնորհիվ», Հայաստանն այևս չի մասնակցի կինոփառատոնին, քանի որ նախարարը կարծում է, որ դա այնքան էլ կարևոր չէ մեզ համար:

«Անցած տարի մենք մեր ֆինանսներով մասնակցեցինք կինոփառատոնին, քանի որ նախարարությունը հրաժարվեց գումար տրամադրել` փառատոնի կարևորությունը չգնահատելով: Այսուհետ «UNICA»-ում մեր տեղը կզիջենք Ադրբեջանին և Թուրքիային` Հասմիկ Պողոսյանի «շնորհիվ»,- ասաց Հովհաննիսյանը: