Մենք հաղթեցինք ձեր զավակների շնորհիվ, նրանց շնորհիվ հաղթեց Հալեպը. Ասմա ալ Ասադը հյուրընկալել է զոհվածների մայրերին

Մարտի 21-ին Արևմուտքում նշվող Մայրերի օրվա առիթով Սիրիայի առաջին տիկին Ասմա ալ Ասադը հյուրընկալել է Հալեպում զոհվածների մայրերին:

Ըստ «Գանձասար»-ի՝ ողջույնի խոսքում Ասադը հաստատել է, որ մայրերը կյանքի, ուժի և գոյատևման խորհրդանիշն են:

«Մենք հպարտ ենք Հալեպի հզոր կամքով ու պայքարունակությամբ, իսկ մեր այս հպարտության աղբյուրը դուք եք: Դուք դարձաք մեր կողմնացույցը, որը մեզ ուղղեց դեպի հաղթանակ: Մենք հաղթեցինք ձեր հզոր կամքով, հաղթեցինք ձեր զավակների և Սիրիայի բանակի նկատմամբ ձեր անսահման զորակցության  շնորհիվ: Ձեր շնորհիվ հաղթեց Հալեպը: Յուրաքանչյուր մայր, անգամ` ահաբեկչական հրթիռակոծությունների սարսափի տակ, շարունակեց ապրել Հալեպում և դարձավ սիրիական բանակի ներշնչման աղբյուրը»,- նշել է առաջին տիկինը:

Եզրափակելով խոսքը՝ Ասադը շնորհավերել է Սիրիայի խիզախ մայրերի տոնը: