«Դեմ եմ»-ի հանրահավաքի տեղն ու ժամը հայտնի է

«Դեմ եմ» նախաձեռնությունն ապրիլի 12-ին՝ ժամը 14:00-ին, Մատենադարանի մոտ կանցկացնի հավաք: Այս մասին տեղեկանում ենք «Դեմ եմ»-ի տարածած մամուլի հաղորդագրությունից:

«Սահմանադրական դատարանի որոշումից հետո ստեղծված իրավիճակում մենք բոլորս կարիք ունենք հստակ գնահատականների, պարզաբանումների, ինչպես նաև մեր հնարավոր ակնկալիքների ու անելիքների վերաբերյալ հստակեցումների:

Որպես կազմակերպված ու պահանջատեր քաղաքացիական հասարակություն՝ մենք պիտի պաշտպանենք մեր իրավունքները՝ ամրագրված նաև Սահմանադրական դատարանի որոշմամբ, հստակեցնենք դրանից բխող մեր նպատակներն ու հետագա անելիքներն ավելի հստակ և հնարավոր ժամանակացույցով:

Եվ այսպես, ապրիլի 12-ին՝ ժամը 14:00-ին, բոլորս հանդիպում ենք նույն վայրում՝ Մատենադարանի մոտ»,- ասված է հաղորդագրությունում: