Տնտեսությունն էլ է «կանգնել» վարչապետի ճանապարհին

«Հրապարակ»-ը գրում է. «Հերիք չէ, որ տեղից ելնողն իր պարտքն է համարում «հանուն հայրենիքի եւ արդարության» քլնգել վարչապետին, հիմա էլ տնտեսությունն է կանգնել նրա ճանապարհին՝ հայտնի կենդանու համառությամբ տեղից չի շարժվում ու վերջ...

Այն էլ այս պահին, երբ «հրաշալի քառյակը» նախապատրաստվում է վարչապետական աթոռի հուժկու գրոհին, նրա կողքին չէ անգամ երբեմնի հավատարիմ ԱՎԾ-ն՝ ոչնչից տնտեսություն ստեղծելու անուրանալի ձիրքով։ Շա՞տ դժվար էր ԱՎԾ-ի համար այս լարված ամիսներին գոնե մի երկու տոկոս տնտեսական աճ ավելի գրել եւ հունվար-փետրվարի համար «քծիպորեն» չարձանագրել 2,4 տոկոս տնտեսական աճ։ Իսկ գուցե ԱՎԾ-ն էլի՞ աշխատել է, բայց դե այսքան է ստացվել։

Եթե անկեղծ՝ անգամ այս 2,4 տոկոսը խիստ կասկածելի ցուցանիշ է՝ ժամառժամ փակվող հարյուրավոր կազմակերպությունների եւ աճող արտագաղթի պայմաններում»։

Շարունակությունը` թերթի այսօրվա համարում: