Չինաստանը կանգնել է ՌԴ-ի համաշխարհային գերակայությանը հասնելու ճանապարհին

Ռուսաստանը ռեկորդային բերքի շնորհիվ ցորեն է արտահանում ավելի քան 100 երկիր, բայց դեռ չի կարողացել ավելացնել մատակարարումները Չինաստան և Ալժիր:  «Bloomberg»-ի տարածած լուրը ներկայացնում է «Գազետա ռու»-ն:

Լրատվական գործակալության տվյալներով՝ ռուսական հացահատիկը չի համապատասխանում այդ երկրների պահանջներին, նրանք վախենում են ցորենի վրա աճող բորբոսից՝ էրգոտից:

Նշվում է նաև, որ որոշ ռուսական ապրանքներ չեն համապատասխանում չինական ալրաղացների գործարանների պահանջներին՝ նաև դրանց որակի պատճառով:

Նախատեսվում է, որ այս տարի չինական գնումները կհասնեն յոթ տարվա վաղեմության բարձր մակարդակին, ինչը ձեռնտու է Ֆրանսիային և Ավստրալիային: Այսպիսով, Չինաստանը կանգնել է ցորենի արտահանման հարցում Ռուսաստանի համաշխարհայի գերակայության հասնելու ճանապարհին: