Աբովյանցիներին հարկային «տեռորի» ենթարկած պետը լրագրողների հետ չունի

Վերջին օրերին Աբովյան քաղաքի բնակիչների շրջանում տեղեկություններ են շրջանառվում, թե նախորդ տարեվերջին աբովյանցիներին հարկային «տեռորի» ենթարկած` Կոտայքի տարածքային հարկային տեսչության պետ Վահագն Սահակյանն ազատվել է աշխատանքից:

Հիշեցնենք, որ նախորդ տարվա դեկտեմբերին Աբովյանի, Բյուրեղավանի և տարածաշրջանի հարակից գյուղերի փոքր և միջին բիզնեսով զբաղվողները, հիմնականում` առևտրականներ, բողոքում էին հարկայինի պետի վարած քաղաքականությունից: Մոտ 200 քաղաքացիներ փորձել էին հանդիպել հարկայինի պետի հետ և առաջացած խնդիրների կապակցությամբ նրանից պարզաբանում ստանալ, սակայն նա հրաժարվել էր և զանգահարել ոստիկանություն` ասելով, թե բնակիչները հարձակվել են շենքի վրա:

 Yerkir.am-ը Սահակյանի` աշխատանքից ազատման լուրը փորձեց ճշտել տեսչության աշխատակիցներից, սակայն նրանք, միմյանց հարցնելով, նշեցին, որ տեղյակ չեն և խորհուրդ տվեցին ընդունարանից ճշտել: Այնտեղ էլ հայտնեցին, որ նման բան չկա, պետն աշխատանքից չի ազատվել, միևնույն ժամանակ նշեցին, որ նա չի ցանկանում զրուցել լրագրողների հետ:

Ի դեպ, աբովյանցի առևտրականները հայտարարել էին, որ չեն հանգստանա` մինչև Սահակյանը հրաժարական չտա: Փաստորեն, աբովյանցիների ուրախությունն անտեղի էր: