2024-ին օլիմպիական խաղերը կանցկացվեն Բաքվո՞ւմ

Ամերիկյան ազդեցիկ Chicago Tribune ամսագիրը հոդված է հրապարակել Բաքվում կայանալիք Եվրոպական օլիմպիական խաղերի մասին:

Հոդվածում ասվում է, որ 2015-ի Եվրոպական խաղերը կարող են օգնել Ադրբեջանին 2024-ի օլիմպիական խաղերը Բաքվում անցկացնելու հայտ ներակայացնել. գրում է haqqin.az-ը:

Հոդվածում նշվում է, որ Ադրբեջանը կդառնա առաջին Եվրոպական խաղերի անցկացման վայրը, որոնց ծրագրում, բացի օլիմպիական լողից և հեծանվասպորտից, ընդգրկված կլինեն նաև սպորտի նոր տեսակներ, օրինակ` լողափային ֆուտբոլ և բասկետբոլ 3х3: «Այդ ամենը մեծ փորձ կտա Ադրբեջանին, և երկիրը վստահորեն կկարողանա օլիմպիական խաղերը կազմակերպելու հայտ ներկայացնել»,- նշվում է հոդվածում: