Դավութօղլուի վերադարձի օրը հայ գրողի են դատապարտել

Թուրքիայում գտնվող հունական հին գյուղում՝ Շիրինջեում, ապօրինի շինարարություն կատարելու համար մեղադրվող հայազգի լեզվաբան Սևան Նիշանյանը դատապարտվել է 2 տարվա ազատազրկման: Հրապարակախոս Սարգիս Հացպանյանի խոսքով` Նշանյանին դատապարտել են 2015-ին` Հայոց ցեղասպանության 100-ամյա տարելիցին ընդառաջ, և որ դա նրան առաջադրված հերթական շինծու մեղադրանքն է:

Հրապարակախոսի խոսքով` Շիրինջ գյուղում գնված տարածքները Նշանյանի սեփականությունն են և օրինական են: Հայազգի գրողն իր իրավունքները պաշտպանելու համար արդեն դիմել է Եվրադատարան: Հացպանյանը նշեց, որ հայ գրողի վերաբերյալ դատավճիռն օրինական ուժի մեջ է մտել Թուրքիայի արտգործնախարար Դավութօղլուի` Հայաստանից վերադառնալու օրը:

Հիշեցնենք, որ թուրք պաշտոնյային Հայաստանում նվիրել էին Հայոց ցեղասպանության մասին պատմող` վերջերս լույս տեսած գիրքը, որը նա խոստացել էր ընթերցել հենց օդանավում:

Նշենք, որ ներկայումս Նշանյանի դեմ 19 դատական գործ կա հարուցված, որոնց հոդվածներով նախատեսված պատժաչափերը եթե գումարենք, կստացվի 260 տարի: