Երեկ գրողի ծոցն է ուղարկել, այսօր...

Մամուլում տարածված այն տեղեկատվությունից հետո, իբր թե «Ռեալի» պաշտպան Սերխիո Ռամոսը և մարզիչ Ժոզե Մոուրինիոն ընդհարվել են, AS-ին տված հարցազրույցում ֆուտբոլիստը բոլորովին այլ կերպ է արտահայտվել:

«Այն, ինչ ես մտածում եմ Մոուրինիոյի մասին, ոչ միայն իմ կարծիքն է, այլեւ ողջ թիմի, մարզչական շտաբի ներկայացուցիչների և ակումբի գործընկերների: Նա ապահովել է թիմի կայունությունը: Նախկինում մենք դրա պակասը շատ էինք զգում: Նույնը կարելի է ասել անհատական վարպետության կատարելագործման մասին. Մոուրինիոյից շատ բան կարելի է սովորել: Իսկ որպես մարդ` նա շատ ուղիղ և անկեղծ է ֆուտբոլիստների հետ շփման մեջ»,- ասել է իսպանացին: