Հուշարձա՞ն, թե՞ մահարձան

Հարություն Հարությունյանը  facebook-ի իր էջում գրում է.

«Հիշում եմ, երբ Երևանի կենտրոնում պետք է տեղադրվեր Առնո Բաբաջանյանի արձանը, ի~նչ աղմուկ բարձրացավ: Իրականում այդ գործը, հեղինակի' Բեջանյանի լավագույն ստեղծագործություններից մեկն էր: Սակայն անտեղի, արհեստականորեն բարձրացված աղմուկը ստիպեց հեղինակին, արձանի վրա ըստ իս' անտեղի և անիմաստ որոշակի փոփոխություններ իրականացնել:

Այսօր բացվեց «Հայ-ռուսական բարեկամության խաչ» հուշարձանը, որը կարծես Թոխմախի գերեզմանատնից պռակատով բերած լինեն: Ես դեմ չեմ ոչ Հայ-ռուսական, ոչ հայ-ֆրանսիական, ոչ հայ - չգիտեմ ինչական հուշարձաններին, բայց ցավ է, երբ Երևանը լցվում է անճաշակ, հապճեպ պատրաստված, անդեմ արձաններով: Այնպիսի տպավորություն է, որ գերեզմանի մահարձանը բերել ու դրել են քաղաքի կենտրոնում: Հիմա, նայեք,մեծ կոմպոզիտորի հիշատակին կերտված քանդակին և սրան: Ո՞ւր են այն ճղճղացողները, որ այդքան դառնություն «պարգևեցին» հրաշալի քանդակագործին....Իսկ , որ ամենակարևորն է, քաղաքապետարանը, գլխավոր ճարտարապետը, ճարտապետների միությունը, արդյո՞ք տեղյակ էին այս «մահարձանի» նախագծից և արդյո՞ք հավանություն էին տվել:

Եթե տվել էին, ե՞րբ է դա եղել....»