Հրաչյա Հարությունյանին ևս մեկ մեղադրանք է առաջադրվել

Հրաչյա Հարությունյանին ևս մեկ մեղադրանք է առաջադրվել: Այդ մասին РАПСИ գործակալությանն հայտնել է նրա փաստաբան Ռուբեն Մարգարյանը:

«Հարությունյանին մեղադրանք է ներկայացվել ՌԴ ՔՕ 264 հոդվածի 5-րդ մասով` փորձագետների եզրակացություններով: Բացի այդ`  նոր մեղադրանք է հարուցվել ՌԴ ՔՕ 327 հոդվածի 3-րդ մասով՝ կեղծ փաստաթղթի օգտագործում»,- նշել է փաստաբանը:

Մարգարյանի խոսքերով՝ Հարությունյանը խոստովանել է իր մեղավորությունը վթարում, ինչպես նաև միջնորդություն է ներկայացրել ավտոտեխնիկական լրացուցիչ փորձաքննության իրականացման համար: Սակայն կեղծ փաստաթղթի օգտագործման մեղադրանքը նա չի ընդունում:

Հիշեցնենք, որ հուլիսի 13-ին Մերձմոսկվայում Հրաչյա Հարությունյանի վարած բեռնատարը բախվել էր ուղեւորատար ավտոբուսին, ինչի արդյունքում զոհվել էր 18 մարդ: Հարությունյանը հրաշքով էր փրկվել: