Հրմշտոց` կին ազատամարտիկների եւ ոստիկանների միջեւ

Արդեն տեղեկացրել ենք, որ կին ազատամարտիկները Ազատության հրապարակից շարժվում են դեպի Բաղրամյան 26:

Yerkir.am-ի թղթակիցը տեղեկացնում է, որ Դեմիրճյան-Բաղրամյան խաչմերուկի մոտ ոստիկանությունն արգելեց կին ազատամարտիկների երթը դեպի նախագահի նստավայր տանող աջակողմյան ճանապարհով: Փոխոստիկանապետ Վալերի Օսիպյանը մեջբերեց օրենքը, որ արգելվում է ցուցարարներին շատ մոտ գնալ նախագահի նստավայրին: Հրմշտոց սկսվեց կանանց եւ ոստիկանների, մասնավորապես` Վալերի Օսիպյանի միջեւ: Կանայք ասում էին, որ կշարժվեն այնպես, ինչպես իրենք են կամենում: Օսիպյանը չէր կարողանում համոզել կանանց եւ անընդհատ բղավում էր:

Ի վերջո, կին ազատամարտիկներն անցան դիմացի մայթը եւ շարժվում են դեպի նախագահի նստավայր: