Հատել է սահմանը` գողություն անելու նպատակով

Արտառոց դեպք է տեղի ունեցել Լոռու մարզի Ջիլիզա գյուղում. գրում է «Ժողովուրդը»:  Վրաստանի Չանախչի գյուղի բնակիչ` 28-ամյա Գագիկ Խաչիկյանն իրենց գյուղի Գոմակ կոչվող տարածքից գողացել է գյուղի բնակիչներից մեկին պատկանող գեներատորն ու էլեկտրական վահանակը: Ուշագրավն այն է, որ Խաչիկյանը գիշերով, առանց թույլտվության Չանախչի գյուղից Ճալակ կոչվող գետակով ապօրինի հատել է հատուկ պահպանվող ՀՀ պետական սահմանն ու Ջիլիզայի բնակչի տան բակից գողացել նշված իրերը՝ նույն ճանապարհով տեղափոխելով հարեւան հանրապետություն՝ Վրաստան: ՀՀ ոստիկանության հասարակայնության հետ կապերի եւ լրատվության վարչությունից հաստատեցին «Ժողովուրդ»-ի տեղեկությունը՝ նշելով, որ գողություն կատարողը հայտնաբերվել է, նրան ստորագրությամբ բաց են թողել, այժմ կատարվում է նախաքննություն: