Հայաստանի եւ Ադրբեջանի ԱԳ նախարարները կհանդիպեն դեկտեմբերին. Տիգրան Բալայան

ԵԱՀԿ ՄԽ համանախագահների հայտարարության մեջ ասված էր, որ Հայաստանի և Ադրբեջանի արտգործնախարարները հանդիպելու են Կիևում դեկտեմբերի 5-6-ը` շարունակելով բանակցությունները ԼՂ խաղաղ կարգավորման ուղղությամբ: Այս մասին Yerkir.am-ի հետ զրույցում ասաց ՀՀ ԱԳՆ մամուլի խոսնակ Տիգրան Բալայանը:

Հիշեցնենք, որ Սարգսյան-Ալիև հանդիպումից հետո ԵԱՀԿ ՄԽ համանախագահների տարածած հաղորդագրության մեջ նշվում է, որ երկու երկների նախագահները հանձնարարել են իրենց արտաքին գործերի նախարարներին՝ համանախագահների հետ միասին, արվածի հիման վրա շարունակել աշխատանքը՝ խաղաղ գործընթացի ակտիվացման նպատակով: Որպես հետագա քայլ՝ համանախագահները կկազմակերպեն աշխատանքային հանդիպումներ նախարարների հետ ԵԱՀԿ ԱԳՆ խորհրդի նիստի «հարթակներում», որը կկայանա ս.թ. դեկտեմբերի 5-ից 6-ը Կիևում: