Յուրի Վարդանյանի որդին փաստաբան է վարձել

Հոկտեմբերի 15-ին  սպորտի և երիտասարդության հարցերի նախարար Յուրի Վարդանյանի որդին` ապօրինի թմրանյութ տեղափոխելու համար կալանավորված Դավիթ Վարդանյանը,  հայտարարել էր, թե ֆինանսական միջոցներ չունի փաստաբանի վճարովի ծառայությունից օգտվելու համար և այդ պատճառով նրա պաշտպանությունը ստանձնել էր Հանրային պաշտպանի գրասենյակի անդամ Ռաֆիկ Սաֆարյանը: Սակայն երեկ հայտնի դարձավ, որ նախարարի որդին հրաժարվել է պաշտպանից:

Հանրային պաշտպանի գրասենյակի ղեկավար Մասիս Ղազանչյանը yerkir.am-ին հայտնեց, որ Դավիթ Վարդանյանի գործով նոր' վճարովի պաշտպան է ներգրավվել, ինչի արդյունքում էլ հանրային պաշտպան Ռաֆիկ Սաֆարյանը մեխանիկորեն դադարեցրել է մեղադրյալի պաշտպանությունը:

Դավիթ Վարդանյանի նոր' վճարովի փաստաբանի անունը դեռևս հայտնի չէ:

Հետաքրքրական է` ինչպե՞ս ստացվեց, որ  մեկ շաբաթվա ընթացքում նախարարի որդու ֆինանսական դրությունն այդչափ բարելավվեց: