Յուրի Վարդանյանի ուժը չհերիքեց

Սպորտի նախարար Յուրի Վարդանյանին չի հաջողվել ավարտին հասցնել սկսած գործը և քանդել ՀԱՕԿ նախագահ Գագիկ Ծառուկյանի աշխատասենյակը: Ինչպես հայտնի է, պաշտոնն ստանձնելուց օրեր անց նա հրահանգել էր քանդել այն և դարձնել նախարարության խորհրդակցությունների սենյակ: Ավելին՝ խոսվում էր, որ Վարդանյանն իր ձեռքով էր պոկել սենյակի ցուցատախտակը: 

«Հրապարակ»-ը տեղեկացել է, որ ամեն ինչ վերադարձրել են ելման դրություն՝ նորոգումը դադարեցված է, ցուցատախտակը՝ փակցված իր տեղում: Ասում են՝ Ծառուկյանն իր դժգոհությունն է հայտնել Սերժ Սարգսյանին, վերջինն էլ կանխել է պրոցեսը: Ի դեպ, երեկ աշխատանքից ազատվել են երկու ԲՀԿ-ականներ՝ Յուրի Վարդանյանին բաց նամակով դիմած փոխնախարար Սամվել Խաչատրյանը և աշխատակազմի ղեկավար Վահե Էլոյանը: