Հպարտ է, որ Լեւոն Տեր-Պետրոսյանի հետ ճանապարհ է անցել

ՀՀՇ համագումարի ընթացքում «Հանրապետություն» կուսակցության ղեկավար Արամ Սարգսյանը լրագրողների հետ զրույցում հերքեց այն տեսակետը, թե առաջիկայում լիբերալ ուժերի համագործակցությունն ընդդեմ Լևոն Տեր-Պետրոսյանի է:

Արամ Սարգսյանը հպարտ է, որ Լևոն Տեր-Պետրոսյանի հետ միասին ճանապարհ է անցել ու նույն հարթակում եղել:

«Ես Լևոն Տեր-Պետրոսյանի հետ բազմաթիվ հարցեր եմ քննարկել, իրենից շատ բաներ եմ սովորել, և ինչ ուզում եք ասեք` Լևոն Տեր-Պետրոսյանը ՀՀ առաջին հիմնադիր նախագահն է և մեծ լումա ունի թե' Արցախի պատերազմում հաղթանակի գործում, թե', առավել ևս, դրանից հետո բանակցային գործընթացում: Այնպես որ` իր հետ մրցակցելու միտում անգամ չկա, մենք մրցակցում ենք իշխանությունների վարած ներքին ու արտաքին քաղաքականության դեմ»,- ասաց նա: