Ե՞րբ են գործազուրկներին ապահովելու խոստացած աշխատանքով

Գործազուրկներին նպաստներից զրկեցին, որպեսզի նրանց աշխատանքով ապահովեն: Այդ ընթացքում քաղաքական էլիտայի աշխատավարձերն են ցանկանում բարձրացնել:

«Հասկանում եմ, որ հարցադրումները լուրջ են, խնդիրները` նույնպես, բայց պետք է կարողանանք աշխատել: Մենք մեր հերթին կանենք առաջարկություններ: Պետք է լինեն կոմպենսացիոն մեխանիզմներ: Ընդհանուր առմամբ, գերադասելի է, որ պետությունը պատրաստակամ է գումարներ ներդնել վերապատրաստումների համար»,- ասաց նա:

Նախօրեին ՀՀԿ խմբակցության ղեկավար Գալուստ Սահակյանը կարծիք հայտնեց, որ աշխատավարձերի բարձրացումից հետո ոչինչ չի խանգարի պատգամավորին աշխատավարձի մի մասն ուղղել քաղաքացիների սոցիալական խնդիրների լուծմանը: Մեր այն հարցին` արդյո՞ք Մհեր Շահգելդյանն այդպես կվարվի իր աշխատավարձի հետ, ՕԵԿ քարտուղարը պատասխանեց, որ այսպես, թե այնպես պատգամավորին քաղաքացիները դիմում են այս կամ այն հարցով:

«Կան պատգամավորներ, որոնք ունեն գործարար սեփականություն, կան պատգամավորներ, որոնք դա չունեն: Բայց, անկախ այդ հանգամանքից, մարդիկ դիմում են` օգնություն ստանալու, և պատգամավորը պետք է աջակցի նրանց իր հնարավորությունների շրջանակներում: Մարդու հետ շփվելը և օգնության ձեռք մեկնելը կարևոր է և պատգամավորի առաքելության մի մասն է: Ես ինքս փորձում եմ իմ հնարավորությունների սահմաններում օգնել: Դիրքը կամ պաշտոնը պատասխանատվություն է, ինչի մասշտաբները կախված չեն աշխատավարձի բարձր կամ ցածր լինելուց»,- ասաց նա: