Ծառուկյանը չի ուզում խոսել Արթուր Բաղդասարյանի մասին

Բելառուսի դեսպանն այսօր «Արմենիա Մարիոթ» հյուրանոցում ԲՀԿ առաջնորդ Գագիկ Ծառուկյանին Բելառուսի նախագահ Ալեքսանդր Լուկաշենկոյի կողմից «Մարդասիրության մեդալ» հանձնեց:

Ծառուկյանի տրամադրությունը բավականին բարձր էր կամ այդպես ցույց էր տալիս: Նա հերթով մոտենում էր հյուրերին, բաժակը բաժակին խփում եւ լուսանկարվում:

Լրագրողների հետ զրուցել Ծառուկյանը չցանկացավ: Yerkir.am-ի փորձերը որեւէ հարց ուղղել եւ պատասխան ստանալ Ծառուկյանից, ապարդյուն են անցել: Նա շատ արագ հեռացավ` հասկանալով, որ Արթուր Բաղդասարյանի եւ իրենց վերջին միջադեպի վերաբերյալ հարցեր ունեն լրագրողները:

Ակնհայտ էր, որ Ծառուկյանն այլեւս այդ թեմային չի ցանկանում անդրադառնալ. գոնե` իր մակարդակով: