Ես չեմ ասել` հանձնել Ղարաբաղը. Զորի Բալայան

Զորի Բալայանը կարծում է, որ ՌԴ նախագահ Վլադիմիր Պուտինին ուղարկված իր նամակը քննադատությունների տեղիք տվեց, որովհետեւ մարդիկ կարծում են, թե ինքն ասել է` Ղարաբաղը տալ Ռուսաստանին:

«Իմ նամակի մեջ նման բան չկա»,- Yerkir.am-ի հետ զրույցում հայտարարեց Զորի Բալայանը: Մեր այն դիտարկմանը, թե ստացվում է` նամակով ԼՂՀ-ն ՌԴ մաս կազմելը նկատի չի ունեցել, Բալայանն արձագանքեց. «Ո՞նց կարող էի ես դա նկատի ունենամ: Ախր նամակը չեք կարդացել...»:

Բալայանից հետաքրքրվեցինք, թե ինչու այդ դեպքում մեծ մասն այդպես հասկացավ Բալայանի միտքը:

«Որովհետեւ մեկը պրովոկացիա է արել, նամակը չեն կարդացել»,-նշեց նա:

Մեր այն դիտարկմանն էլ, որ գուցե իրեն սխալ են հասկացել, որովհետեւ Գյուլիստանի պայմանագիրն է մեջբերել, Բալայանն ասաց. «Գյուլիստանի պայմանագիրն ընդամենը Գյուլիստանի պայմանագիրն է...Ախր չեք կարդացել նամակը, ես չեմ ասել հանձնել Ղարաբաղը, ես չեմ գրել դրա մասին, ԼՂԻՄ-ը դա ազատագրված հայրենիքն է, ոչ թե` հողերը»:

Բալայանը նաեւ ասաց, որ իր նամակը տագնապ է, թե ինչ կարող է մեզ սպասվել ապագայում:

Լուսանկարը` bravo.am-ի