Դավիթ Հարությունյանը հիշեց Ժիրինովսկուն

ԵԽԽՎ-ում հայկական պատվիրակության ղեկավար Դավիթ Հարությունյանի համար մտահոգիչ է Վեհաժողովում Զարուհի Փոստանջյանի հնչեցրած հարցը, «որովհետեւ նման աշխատաոճ ընդունված չէ նման կառույցներում»: Այս մասին նա ասաց ԱԺ-ում լրագրողների հետ զրույցում եւ նշեց, որ, իհարկե, խոսքի ազատ արտահայտման իրավունքն ամենակարեւորներից է, բայցեւ չպետք է մոռանալ, որ այն ունի որոշակի սահմանափակումներ:

Այն, ինչ տեղի ունեցավ ԵԽԽՎ-ում, ըստ Հարությունյանի, աննախադեպ էր: Նա նշեց, որ ժամանակին Ժիրոնովսկին էլ էր նման հնարքների դիմում. կան գործիչներ, ովքեր, իրենց իսկ կարծիքով, ավելի ընդդիմադիրի անուն ձեռք են բերում նման գործելաոճի արդյունքում:

Հարությունյանը տեղեկացրեց, որ Փոստանջյանը ժողովրդավարությունն այլ կերպ է հասկանում, ինքը` այլ: «Ես ոչ թե բարի պատվիրակության ղեկավար եմ, այլ անում եմ այն, ինչ թելադրում է մեր երկրի ժողովրդավարությունը»,- ասաց նա: