Փակ շուկան արդեն գործում է. բողոքի ակցիաները վերսկսվել են

Թեեւ արդեն երրորդ օրն է, որ Փակ շուկան գործում է, բայց այսօր այնտեղ դարձյալ բողոքի ակցիա էր:

«Ազատագրենք հուշարձանն օլիգարխից» նախաձեռնության անդամները Մաշտոցի պուրակից երթով եկան շուկայի մոտ, ուր նրանց էին սպասում Սամվել Ալեքսանյանի կողմնակիցները: Ալեքսանյանի կողմնակիցներին եւ բողոքի ակցիայի մասնակիցներին բաժանում էր ոստիկաններից կազմված պատը:

Ալեքսանյանի կողմնակիցները բղավում էին, որ ցանկանում են` շուկան այդ տեսքով գոյություն ունենա, մյուս կողմն էլ հակառակ կոչերով էր հանդես գալիս: Եվ այդպես` մոտ 1 ժամ:

Բողոքի ակցիայի մասնակիցները հեռացան` հայտարարելով, որ ամեն օր` նույն ժամին` 15:00-ին, նույն վայրում շարունակելու են իրենց բողոքի ձայնը բարձրացնել:

Առաջարկում ենք դիտել կատարվածի տեսանյութը: