Ադրբեջանը դժվար թե կարողանա ազատվել նավթային կախվածությունից

Moody’s Investors Service միջազգային վարկանիշային գործակալությունն իր հետազոտությունում գնահատել է Ադրբեջանի վարկունակությունը. հայտնում է TURAN-ը: Ըստ գործակալության՝ Ադրբեջանը դժվար թե կարողանա ազատվել նավթային կախվածությունից:

Moody’s-ը նշում է, որ երկրի եկամուտները՝ կապված նավթի գնի բարձրացման հետ,  երկրի ղեկավարությանը թույլ են տվել բյուջեի պրոֆիցիտ ունենալ, ինչպես նաև ներդրումներ կատարել ենթակառուցվածքներում: Այսպիսով` նավթային սեկտորը դրական է ազդել Ադրբեջանի ընդհանուր տնտեսության վրա:

Ըստ Moody’s-ի՝ չնայած նավթի արդյունահանման տեմպերի նվազմանը (երկու տարում մոտ 15%-ով)՝ Ադրբեջանի տնտեսությունը շարունակում է հենվել նավթային սեկտորի վրա: