Նեյմարի` ''Բարսելոնա'' տեղափոխվելը կազատի ակումբին Մեսսիի կախվածությունից. Կյուրի

Կատալոնական «Բարսելոնա»-ի գործակալ Անդրե Կյուրին, որ ակումբին օգնում է «Սանթոս»-ի բրազիլացի հարձակվող Նեյմարին ձեռք բերելու հարցում, խոսել է վերջինիս` «կապտանռագույնների» շարքերը համալրելու հնարավորության մասին:

«Նեյմարը գլխավորում է այն ֆուտբոլիստների ցուցակը, որոնց «Բարսելոնա»-ն ցանկանում է այս ամռանը ձեռք բերել: Երբ Նեյմարը վճռի լքել «Սանթոս»-ը, մենք կսկսենք բանակցությունները: Անհրաժեշտության դեպքում  անգամ  կարող ենք սպասել մինչև 2014-ի ֆուտբոլի Աշխարհի առաջնությունը: Սակայն պետք է ամեն ինչ անել, որ այդ գործը գլուխ գա այս ամռանը: Մեսսին, Խավին և Ինիեստան գրկաբաց սպասում են նրան: Նեյմարի` «Բարսելոնա» տեղափոխվելը կնպաստի ազատվել Մեսսիի կախվածությունից: 2-3 տարի հետո արգենտինացին էստաֆետը կփոխանցի Նեյմարին, որը ժամանակին նրան էր փոխանցել  Ռոնալդինիոն»,- ասել է գործակալը: