Աբրահամյանը չի կարող փոփոխություն կատարել հայկական պատվիրակության կազմում. Փոստանջյան

Զարուհի Փոստանջյանը դիմել է Եվրոպայի խորհրդի Խորհրդարանական վեհաժողովի կանոնակարգի հանձնաժողովին՝ տեղեկացնելով, որ Հայաստանի Ազգային ժողովի նախագահը ցանկանում է հեռացնել իրեն հայկական պատվիրակությունից նախագահի Սերժ Սարգսյանին տված հարցի պատճառով. հաղորդում է «Ազատություն» ռադիոկայան:

Ըստ Փոստանջյանի՝ ինքը հանձնաժողովից պարզաբանումներ է ստացել, որ Աբրահամյանը իրավասու չէ փոփոխություններ կատարել հայկական պատվիրակության կազմում, որովհետև պատվիրակության կազմն արդեն հաստատված է, և եթե Աբրահամյանը փորձի խոչընդոտել իր գործունեությանը, ապա կլինի արձագանք հենց ԵԽ-ից։ Ընդդիմադիր պատգամավորի համոզմամբ՝ Աբրահամյանը հետագայում էլ չի կարող իրեն հեռացնել հայկական պատվիրակությունից, քանի որ ԵԽԽՎ-ում պետք է ներկայացված լինեն Հայաստանի խորհրդարանի բոլոր խմբակցությունները:

«Ժառանգության» պատգամավորը ընդգծում է, որ հայկական պատվիրակության կազմից իրեն հանելու որոշումը Սերժ Սարգսյանինն է, Հովիկ Աբրահամյանն «ընդամենը կատարող է»։

Մանրամասները` այստեղ: