Միսակ Մարտիրոսյանն ազատվել է պաշտոնից

Հայաստանի դատական դեպարտամենտի ղեկավար Միսակ Մարտիրոսյանն ազատվել է զբաղեցրած պաշտոնից: ՀՀ դատարանների նախագահների խորհուրդը նման որոշում է կայացրել՝ հիմքում ունենալով Մարտիրոսյանի դիմումը: ՀՀ վճռաբեկ դատարանի նախագահի հրամանով ՀՀ դատական դեպարտամենտի ղեկավարի ժամանակավոր պաշտոնակատար է նշանակվել ՀՀ դատական դեպարտամենտի ղեկավարի առաջին տեղակալ, դատարանների նախագահների խորհրդի քարտուղար Կարեն Փոլադյանը:

Հիշեցնենք, որ  «ՀՀ դատական դեպարտամենտ» պետական կառավարչական հիմնարկի ղեկավար Միսակ Մարտիրոսյանը կասկածվում է աշխատանքի ընդունելու համար խոշոր չափերի կաշառք ստանալու մեջ: Սեպտեմբերի 26-ին որոշում էր կայացվել Մ. Մարտիրոսյանի պաշտոնավարությունը ժամանակավոր դադարեցնելու մասին: