Այս պահին Երևանում sett-weather
Փոխարժեքներ 22 11 2024
USD ⚊ $ 389.76
EUR ⚊ € 406.4
RUB ⚊ ₽ 3.79
GBP ⚊ £ 488.37
GEL ⚊ ₾ 142.31
կարևոր
0 դիտում, 11 տարի առաջ - 2013-09-13 17:26
Հասարակություն

Իրանի դեսպանն այցելել է Մայր Աթոռ

Իրանի դեսպանն այցելել է Մայր Աթոռ

Սեպտեմբերի 13-ին Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց կաթողիկոսն ընդունեց Հայաստանի Հանրապետությունում Իրանի Իսլամական Հանրապետության դեսպան Մոհամադ Ռեիսիին և դեսպանության մշակույթի խորհրդական Մեհրան Շիրավանդիին:


Զրույցի ընթացքում Վեհափառ հայրապետն արձանագրեց, որ նման հանդիպումները նպաստում են փոխհամագործակցության զորացմանը և կապերի ամրապնդմանը: Ամենայն Հայոց կաթողիկոսը բարձր գնահատեց երկու երկրների միջև ձևավորված արդյունավետ համագործակցությունը: 


Անդրադառնալով Սիրիայում տիրող ծանր իրավիճակին` Նորին Սրբությունն իր խորը մտահոգությունն արտահայտեց այս կապակցությամբ` տեղեկացնելով, որ Մայր Աթոռը մշտական կապի մեջ է Դամասկոսի հայոց թեմի առաջնորդ Տ. Արմաշ եպիսկոպոս Նալբանդյանի հետ և ամեն ջանք գործադրում է` ի զորակցություն Սիրիայի ժողովրդի և սիրիահայ համայնքի: Նորին սրբությունը նաև հույս հայտնեց, որ միջազգային հանրության խաղաղասեր ջանքերը կկարողանան ապահով և կայուն վիճակ ստեղծել տարածաշրջանում և մասնավորապես` Սիրիայում:


Հանդիպմանը դեսպանատան մշակույթի կենտրոնի կողմից Մայր Աթոռ Ս. Էջմիածնին ընծայվեց «Հիսուս Քրիստոսը Պետրոս Առաքյալի հետ» փորագրություն-նկարը, որը երկու տարվա ընթացքում պատրաստել է իրանցի մահմեդական արվեստագետ Մեհդի Աղղազադեն: Վեհափառ հայրապետը, շնորհակալություն հայտնելով այս ընծայի համար, արվեստագետի գործը նկատեց կրոնների երկխոսության, փոխհանդուրժողականության և եղբայրական ոգու լավագույն դրսևորում` նշելով, որ փայտյա պատկերն իր արժանի տեղը կգտնի Մայր Աթոռ Սուրբ Էջմիածնի հավաքածուում:
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը