Հիվանդության պատճառով Նեյմարն արագ նիհարում է

Օրերս «Բարսելոնա» ֆուտբոլային ակումբը պաշտոնապես հաստատել է, որ Նեյմարի մոտ անեմիա է հայտնաբերվել. հեմոգլոբինի քանակը արյան մեջ պակաս է: Դրա հետեւանքները հոգնածությունն ու ընդհանուր թուլությունն են:

Թեեւ ակումբի սպորտային տնօրեն Անդոնի Սուբիսարատը վստահեցնում էր, որ բրազիլացին ոչ մի լուրջ խնդիր չունի, ֆուտբոլիստի հայրը հայտարարել է, որ դա ամենեւին էլ այդպես չէ. տեղեկացնում է telegraf.com.ua-ն: «Նեյմարի արյան մեջ երկաթի պարունակությունը աղետալի ցածր է: Նա շատ է հոգնում վերջին շաբաթներին: Դա նորմալ չէ, եւ որդիս լրջորեն մտահոգված է այդ կապակցությամբ: Վերջին շրջանում որդիս 7 կգ նիհարել է, ինչը լրջորեն անդրադառնում է  նրա մկանների վրա: Հավատացեք, ես երբեք մարզումներից հետո նրան այդքան հոգնած չեմ տեսել: Նշագեղձերի վիրահատությունից հետո վիճակը խորացել է: Մոտակա երկու շաբաթում կփորձենք վերականգնողական միջոցառումներ անցնել: Բժիշկները խոստանում են, որ դրանցից հետո ամեն ինչ  կնորմալանա»,- պատմել է ֆուտբոլիստի հայրը: