Օզբիլիսին ամեն գնով կփորձեն պահել ''Կուբան''-ում

Ռուսական «Կուբան» ֆուտբոլային ակումբի տնօրենների խորհրդի անդամ Սուրեն Մկրտչյանը rsport.ru-ին տված հարցազրույցում նշել է, որ թիմը կանի ամեն ինչ, որպեսզի Օզբիլիսը չհեռանա:

«Ես ոչինչ չգիտեմ Օզբիլիսի` «Սպարտակ» տեղափոխվելու մասին: Այդ բոլոր խոսակցությունները, իհարկե, ուրախացնում են, քանի որ Օզբիլիսն, իրոք, լավ ֆուտբոլիստ է. տարբեր ակումբների կողմից հետաքրքրություն կա նրա նկատմամբ: Բայց «Կուբան»-ի ղեկավարությունը կանի ամեն ինչ, որպեսզի պահի նրան թիմում»,- ասել է նա:

Պատասխանելով հարցին, թե արդյո՞ք Օզբիլիսը  թիմից հեռանալու ցանկություն  ունի, Մկրտչյանն ասել է. «Նրա ցանկությունների մասին ոչինչ չգիտեմ: Սակայն ինձ չի թվում, որ նրա ցուցադրած խաղը թիմում նման է ակումբը լքել ցանկացողի խաղի: Ոչ մի ֆուտբոլիստի ուժով չենք պահելու թիմում, սակայն մենք Օզբիլիսի հետ հույսեր ենք կապում»: