Լևոն Արոնյանը մասնակցեց ''Սպորտը` հանուն հավասար հնարավորությունների'' շախմատային ակցիային

Այսօր Տիգրան Պետրոսյանի անվան շախմատի տանը շախմատային օլիմպիադային եռակի չեմպիոն Լեւոն Արոնյանը շախմատային սեանս անցկացրեց «Սպորտը` հանուն հավասար հնարավարություններ» ծրագրի շրջանակներում: Այն կազմակերպել էր «Հույսի կամուրջ» հաշմանդամություն ունեցող երեխաների և երիտասարդների իրավունքների պաշտպանության  հասարակական կազմակերպությունը:

 Լևոն Արոնյանը խաղաց 24 մասնակիցների հետ միաժամանակ: Մասնակցում էին  ԶԼՄ-ների ներկայացուցիչներ, «Հույս» հիմնադրամի անդամներ, հասարակական եւ քաղաքական գործիչներ:

Լեւոն Արոնյանի մասնակցությամբ`  «Սպորտը` հանուն հավասար հնարավորությունների» ակցիան անցկացվում է արդեն 4-րդ անգամ: Այն նպատակ է հետապնդում հանրության ուշադրությունը հրավիրել հաշմանդանություն ունեցող անձանց հասարակական կյանքին, լիարժեք ներառման և հավասար հնարավորություններ ստեղծելու գաղափարին:

Շախմատային օլիմպիադաների եռակի չեմպիոնն իր խոսքում նշեց. «Սա լավ հնարավորություն է մարդկանց վստահեցնելու, որ շախմատիստներն էլ են ուշադրություն դարձնում հաշմանդամային խնդիրներ ունեցողներին: Մենք պետք է մեր լուման ներդնենք: Ես մեծ բավականություն եմ ստանում այսպիսի սեանսների մասնակցելուց: Բոլորի հետ խաղալու եմ հավասարի պես»: