Ամեն երկիր ունի իր շահերը, իր խնդիրները. ԱԱԽ քարտուղարը` Ադրբեջանին ռուսական զենքի վաճառքի մասին

ԱԱԽ քարտուղար Արթուր Բաղդասարյանն այսօր լրագրողների հետ զրույցում անդրադարձավ Ռուսաստանի կողմից Ադրբեջանին վաճառված 1 մլրդ դոլար զենքին: Նա նշեց, որ ինչպես ցանկացած պետություն, այնպես էլ ՌԴ-ն ունի իր օրենսդրությունը, որի շրջանակներում էլ գործել է:

«Ես Ռուսաստանի գործողություններին մեկնաբանություն տալ չեմ կարող. ամեն մի երկիր ունի իր շահերը, իր խնդիրները»,- նշեց ԱԱԽ քարտուղարը եւ ընդգծեց, որ Ադրբեջանը բազմաթիվ այլ երկրներից էլ է սպառազինություններ գնում:

Բաղդասարյանը հայտարարեց, որ մենք չենք կարող որեւէ երկրից պահանջել, որ մեկ այլ երկրի հետ գործարք չկնքի: Նա նաեւ ասաց, որ մեր զինված ուժերը համալրվում են նորագույն սպառազինություններով , եւ այդ գործում իր չափազանց մեծ դերակատարումն ունի Ռուսաստանը:

Մանրամասները` Yerkir.am-ի տեսանյութում:

Ուշագրավ է, որ օֆշորային սկանդալի հետ կապված հարցին Արթուր Բաղդասարյանը չպատասխանեց. լսելով հարցը` նա պարզապես թողեց եւ հեռացավ: