կարևոր
3787 դիտում, 1 տարի առաջ - 2023-04-21 12:37
Քաղաքական

Վաճառքի են հանված մեր ազգային շահերը, որի դիմաց բանակցողը ցանկանում է ստանալ բացառապես մեկ բան․ Հայկ Մամիջանյան

«Հայաստանի կառավարության վարած դիվանագիտութունը կարելի է որակել «չարչիական դիվանագիտություն» եզրույթով»,- ՀՀԿ գրասենյակում հրավիրած հրատապ ասուլիսում «Պատիվ ունեմ» խմբակցության ղեկավար Հայկ Մամիջանյանն ընթերցեց իր ելույթը, որը նախատեսել էր հրապարակել երեկ ԱԺ նիստի ընթացքում։

Հիշեցնենք, որ  երեկ ԱԺ-ում անկախ պատգամավոր Թագուհի Թովմասյանի քաղաքական ակցիայից հետո Ալեն Սիմոնյանը նկատողություն հայտարարեց նաև Մամիջանյանին, նա երեկվա նիստին մասնակցել չկարողացավ։

«Ցավոք, վաճառքի են հանված մեր  ազգային ու պետական շահերը, որոնց դիմաց հիմնական բանակցողը ցանկանում է   ստանալ բացառապես մեկ բան՝ սեփական իշխանության պահպանման երաշխիքներ»,-ելույթը շարունակեց Մամիջանյանը։

Նա նշեց, Հայաստանի ու Ռուսաստանի հարաբերություններում այս իշխանության օրոք գրանցվել է աննախադեպ իրադարձություն՝ ՌԴ-ն պաշտոնական բողոքի նոտա է հղել Հայաստանին։

«Հիշեցնեմ, որ բողոքի նոտայի առիթ է հանդիսացել մի մարգինալ հասարակաքաղաքական անձի տարածած հայտարարություն, որի կշիռը բացարձակ համեմատելի չէ արձագանքի հետ, ինչից կարող ենք եզրակացնել, որ նշյալ հայտարարությունը պարզապես առիթ է եղել ռազամավարական դաշնակցի կողմից բողոքի նոտայի համար»,-ասաց նա։

Մանրամասները՝ տեսանյութում։