Վատիկանի բանկի ղեկավարությունը հրաժարական է տվել

Վատիկանի բանկի տնօրեն Պաոլո Չիպրիանին եւ նրա տեղակալ Մասիմո Տուլին հրաժարական են տվել Վատիկանի բարձրաստիճան ֆինանսական աշխատակցի ձերբակալությունից հետո. տեղեկացնում է BBC-ն:

Վատիկանի ներկայացուցչի խոսքերով` նրանք այդ քայլին գնացել են`  բանկի եւ Սուրբ աթոռի շահերից ելնելով:

Հիշեցնենք, որ 3 օր առաջ ձերբակալվել է Սալերնո քաղաքի եպիսկոպոս Նունցիո Սկարանոն, որին կասկածում են Վատիկանի բանկի միջոցով խարդախությունների իրագործման մեջ: 61-ամյա եպիսկոպոսը երկար տարիներ ծառայել է Սուրբ աթոռի եկեղեցական գույքի վարչությունում ` որպես ավագ հաշվապահ: Գործի շրջանակներում ձերբակալվել են եւս 2 հոգի` իտալական հատուկ ծառայությունների աշխատակից եւ բրոքեր: