Ինչո՞ւ է Հայրիկյանը դեռեւս շրջում անվտանգության աշխատակիցների հետ

 ԱԻՄ առաջնորդ Պարույր Հայրիկյանը համոզված է` իր դեմ մահափորձի հիմնական պատվիրատուն բացահայտված չէ, իսկ ով էլ որ  բացահայտված է, ասում է` ես չեմ: Այսօր լրագրողներին նա այսպես բացատրեց դեռեւս անվտանգության աշխատակիցների ուղեկցությամբ շրջելու փաստը:

«Իմ անվտանգության համար պետությունն է ծառայողներ տրամադրել»,- հավելեց Հայրիկյանը` նշելով, որ իրեն էլ հաճելի չի, որ ինքը վերահսկողության տակ է, բայց պետությունը գիտի, թե ինչ է անում:

Նա  հիշեցրեց նաև, որ ինքն առաջին օրից ասել է` իր դեմ մահափորձը կազմակերպել են ռուսական իմպերիալիստական ուժերը: ԱԻՄ առաջնորդը դժգոհությունը հայտնեց դատարանից` ամբաստանյալ Վարդան Սեդրակյանին ՌԴ-ից 100 հազար դոլար ուղարկած մարդկանց գործում, որպես վկա, ներգրավելու առաջարկը մերժելու համար: