Պենտագոնը պատահաբար գաղտնի օբյեկտ է գաղտնազերծել

ԱՄՆ պաշտպանության նախարարությունն իր կայքում պատահաբար տեղադրել է Երուսաղեմի եւ Աշդոդի միջեւ կառուցվելիք իր գաղտնի օբյեկտի տվյալները: Դրա անվանումը եւ նշանակությունը չի նշվել, սակայն ռազմական փորձագետները համարում են, որ, ըստ բնութագրերի, խոսքն իսրայելական` դեռեւս մշակման փուլում գտնվող «Հեց-3» հրթիռների կայանի մասին է. տեղեկացնում է NEWSru Israel-ը: Որոշ ժամանակ անց գաղտնի տվյալները հեռացվել են կայքից:

Իրսայելը պաշտոնապես չի մեկնաբանել կատարվածը, սակայն մի զինվորական պաշտոնյա լրագրողներին ասել է, որ եթե թշնամին ցանկացա ոչնչացնել այդ օբյեկտը, դրա համարի անհրաժեշտ տեղեկատվությունն արդեն ունի: