Դատախազությունը գաղտնազերծել է սխալներով լեցուն ցուցակ

Վերջերս մեր դատախազության աշխատակիցները գաղտնազերծել եւ հրատարակել են 22 տարի առաջ Սումգայիթում զոհվածների ցուցակը, որում կան բազմաթիվ սխալներ: Օրինակ` սպանվածների շարքում կան ողջ մնացածների անուններ, կամ` Թովմասյանի փոխարեն գրված է Թեւոսյան: Այս մասին լրագրողների հետ հանդիպման ժամանակ հայտարարեց «Сумгаит, геноцид, гласность» գրքի հեղինակ Հրայր Ուլուբաբյանը:

Նա ցավով հավելեց, որ 22 տարի առաջ ինքն անձամբ ուղղել է սխալները եւ ճիշտ տարբերակը տվել դատախազությանը, սակայն մինչ օրս հրապարակված է սխալներով լեցուն ցուցակը:

«Ինչ է` 22 տարվա ընթացքում չկա՞ մեկը, ով զբաղվի այդ հարցով եւ մաքրի ցուցակը»,- զարմացած նշեց Ուլուբաբյանը: